Массимилиано Аллегри "Милан" бош мураббийи лавозимига кутилмаган номзодга айланди. 56 ёшли мутахассис яқинда "Ювентус" билан шартномасини бекор қилишга рози бўлди ва энди янги иш қидирмоқда.
Rai Sport хабарига кўра, "Милан" Аллегри билан боғланиб, мураббийнинг "Сан-Сиро"га қайтиши мумкинлигини муҳокама қилган. Кенг тарқалган хабарларга кўра, “россонерилар” аввалроқ Пауло Фонсека билан келишувга эришган, бироқ вазият ноаниқлигича қолмоқда.
Аллегри "Милан"да 2010 йилнинг ёзидан 2014 йилнинг январигача ишлаган. Яқин-яқингача “қизил-қоралар”ни Стефано Пиоли бошқариб келаётган эди, у билан клуб мавсум якунида хайрлашишга қарор қилди.
