"Кастилья" бош мураббийи Рауль Гонсалес ҳозирги лавозимини тарк этиш ниятида эмас. Афсонавий собиқ форварднинг шартномаси шу ой якунига етади.
Журналист Хосе Феликс Диаснинг хабар беришича, 46 ёшли мураббий “Реал Мадрид”нинг иккинчи жамоаси билан ишлашда давом этади. Клуб президенти Флорентино Переснинг фикрича, Рауль кетиш зарур деб ҳисобламагунча бу лавозимни эгаллаши мумкин.
Мадридлик гиганти раҳбари мутахассисни нафақат олдинги ютуқлари, балки ёш футболчиларни етиштиришга қўшган ҳиссаси учун ҳам қадрлайди. Рауль Гонсалес "Кастилья"ни 2019 йилдан бери бошқариб келмоқда.
