"Манчестер Юнайтед" Лиссабоннинг "Спортинг" клуби марказий ҳимоячиси Гонсалу Инасиу учун таклиф тайёрламоқда. Яқинда ОАВда 22 ёшли португалиялик футболчига "қизил иблислар" ва "Ливерпул"дан қизиқиш бўлаётгани ҳақида маълумот пайдо бўлди.
A Bola хабарига кўра, манкунианликлар аллақачон Инасиу учун 60 миллион евролик трансфер таклифини тайёрламоқда. Бундан ташқари, энг муҳими, инглиз гранди уни бўлиб-бўлиб тўлашни режалаштирмоқда. Расмий музокаралар яқин кунларда бошланиши кутилмоқда.
Гонсалунинг "Спортинг" билан шартномаси 2027 йилгача мўлжалланган. Умуман олганда, футболчи Лиссабон жамоаси учун барча турнирларда 171 та ўйин ўтказган.
