"Манчестер Сити" ҳужумчи Хулиан Альваресни сотишни истамаяпти. Сўнгги маълумотларга кўра, 24 ёшли футболчини сотиб олишга "ПСЖ" қизиқиш билдирмоқда ва бу пойгага номи номаълум инглиз топ-клуби ҳам қўшилиши мумкин.
Ҳозирча Альварес борасида расмий таклифлар бўлгани йўқ, форвард эса “Манчестер Сити”дан уни сотувга қўйишни сўрамаган. Журналист Вероника Брунатининг сўзларига кўра, “шаҳарликлар” бу трансферни фақат даъвогарлар бунинг учун камида 80 миллион евро таклиф қилсаларгина муҳокама қилишга тайёр бўлишади.
Ўтган баҳорда Хулиан Альварес "Манчестер Сити" билан 2028 йилгача мўлжалланган янги шартнома имзолаган эди. Ўтган мавсумда аргентиналик футболчи 54 ўйинда 19 гол ва 13 голга ассистентлик қилган.
