"Manchester Siti" hujumchi Xulian Alvaresni sotishni istamayapti. So‘nggi ma’lumotlarga ko‘ra, 24 yoshli futbolchini sotib olishga "PSJ" qiziqish bildirmoqda va bu poygaga nomi noma’lum ingliz top-klubi ham qo‘shilishi mumkin.

Hozircha Alvares borasida rasmiy takliflar bo‘lgani yo‘q, forvard esa “Manchester Siti”dan uni sotuvga qo‘yishni so‘ramagan. Jurnalist Veronika Brunatining so‘zlariga ko‘ra, “shaharliklar” bu transferni faqat da’vogarlar buning uchun kamida 80 million yevro taklif qilsalargina muhokama qilishga tayyor bo‘lishadi.

O‘tgan bahorda Xulian Alvares "Manchester Siti" bilan 2028 yilgacha mo‘ljallangan yangi shartnoma imzolagan edi. O‘tgan mavsumda argentinalik futbolchi 54 o‘yinda 19 gol va 13 golga assistentlik qilgan.