"Челси"нинг собиқ ярим ҳимоячиси Жон Оби Микел украиналик футболчи Михаило Мудрик ҳақида фикр билдирди.
"У сочини кесиши ва татуировка қилишни тўхтатиши керак. У фикрларини бир ерга жамлашни ўрганиши керак, чунки агар шундай қилса, у жуда яхши ўйинчи бўлади. Тезлик, куч, тўп билан яхши муомалада бўлиш – унда буларнинг ҳаммаси бор", деди Оби Микел.
Мудрик ўтган йилнинг январ ойида "Шахтёр"дан 70+30 миллион евро эвазига "Челси"га ўтган эди, бу мавсумда вингер "кўклар" сафида барча турнирларда 41та ўйин ўтказиб, 7та гол ва иккита голли узатмани амалга оширди.
