Ҳужумчи Алексис Санчес "Интер"ни тарк этганидан кейин А Серияда ўйнашни давом эттириши мумкин.
35 ёшли фахрий “нерадзуррилар”ни эркин агент сифатида тарк этади – унинг шартномаси шу ойда тугайди. Таниқли инсайдер Жанлука ди Марцио берган маълумотларга кўра, чилилик футболчини А Серияга кўтарилган "Комо" клуби таклиф қилмоқчи. Бироқ бу борада аниқ музокаралар ҳалигача бошлангани йўқ.
Эслатиб ўтамиз, "Комо"ни ҳозирда Сеск Фабрегас бошқармоқда. У Санчес билан "Барселона"да бирга тўп тепган.
Аввалроқ, форвардга Аргентина, Бразилия ва Туркия клублари қизиқиш билдирган, Италиянинг “Удинезе” ва “Парма” клублари ҳам даъвогарлар қаторида эди.
