"Барселона" таркибини "Реал Сосьедад" ярим ҳимоячиси Микель Мерино билан кучайтиришни режалаштирмоқда.
Яқинда ОАВда каталонияликларнинг Мерино билан шартнома имзолаш учун "Бетис"дан Гидо Родригесдан воз кечиш нияти ҳақида хабарлар пайдо бўлди. Инсайдер Тони Хуанмарти хабарига кўра, "Барселона" Испания терма жамоасининг 27 ёшли футболчисининг трансфери устида иш бошлаган. Каталония гранди "Реал Сосьедад"га 25 миллион евро ва 5 миллион бонус таклиф қилмоқчи. Ярим ҳимоячининг ўзи ҳам трансферга тайёр.
Ўтган мавсумда Микель Мерино “Реал Сосьедад” сафида 45 та ўйинда майдонга тушиб, 8 та гол ва 5 та голли узатмага муаллифлик қилган. Футболчининг басклар клуби билан шартномаси бир йилдан кейин тугайди.
