Франциянинг «ПСЖ» клуби ҳужумчиси Златан Ибраҳимович «Барселона»га қарши учрашув олдидан бўлажак ўйин ва Лионель Месси борасида ўз фикрларини билдириб ўтди.
«Лионель Месси шубҳасиз замонавий футболнинг энг кучли вакили. У «Олтин тўп»ни энг кўп қўлга киритган ва бундан кейин ҳам унда имконият кўп. Шу боисдан ҳам бу совринни Месси шарафига номлаш вақти аллақачон келган. Уни барча даврларнинг энг яхши деб аташ мумкинми? Билмадим. Буни фақатгина у футболдан кетгачгина аниқлаш мумкин», дейди Ибраҳимович.