Италия терма жамоасининг собиқ ҳужумчиси Антонио Кассанонинг фикрича, Антонио Конте "Наполи"ни юқори поғонага қайтара олади.
Неапол клуби бош мураббийи лавозимига таниқли мутахассис тайинлангани чоршанба куни расман эълон қилинди.
"Адзуррилар" сўнгги мавсумда муваффақиятсизликка учради ва А Серияда ўнинчи ўринни эгаллади.
"Мен Конте ўтган мавсумда "Наполи"да вазиятни ўзгартиришга қодир бўлган ягона шахс эканини бир неча бор айтганман.
У келганидан кейин "Наполи" "Интер" билан бирга скудетто учун асосий даъвогардан бири бўлади", - деди Кассано.
