"Наполи"нинг собиқ футболчиси Лука Альтомаре Антонио Контенинг жамоага бош мураббий этиб тайинланиши ҳақидаги фикрлари билан ўртоқлашди.
Неаполликлар чоршанба куни 54 ёшли мутахассис билан келишувга эришганини расман эълон қилишди.
"Наполи" ҳалокатли мавсумдан сўнг Антонио Контенинг мураббийлик лавозимига тайинланиши билан шов-шув кўтарди.
"Контеда "Наполи"ни яна юқори ўринларга олиб чиқиш учун амбиция ва стратегия бор. Албатта, Осимхен яхши пул таклиф қилинса, кетади - бу клуб учун яхши футболчиларни трансфер қилишга имкон беради.
Хвича ҳам кетиши мумкин – унга “ПСЖ”дан таклиф бор, аммо Конте уни “Наполи”да сақлаб қолишга ҳаракат қилади, чунки унинг атрофида ўйинни қуриш мумкин”, — деди Альтомаре.
