Италиялик собиқ ҳимоячи Леонардо Бонуччи бутсасини михга осиб қўйиш қарорига изоҳ берди.
37 ёшли футболчи ўтган ой охирида фаолиятини якунлашини эълон қилган эди. Марказий ҳимоячининг ёрқин фаолиятидаги сўнгги клуб Туркиянинг "Фенербахче" жамоаси бўлди.
"Футболда бошдан кечирган ютуқларимдан мамнунман, аммо барчаси етарли бўлди. Мен анча хотиржамман.
Қандай бўлмасин, футбол менга келажакда кўпроқ нарса беради ва ҳозир мен оилам билан вақт ўтказишни хоҳлайман - Европанинг турли футбол майдонларида ўтказган йилларимнинг ўрнини қоплашим керак", - деди Бонуччи.
