Германия терма жамоаси бош мураббийи Юлиан Нагельсманн дастлаб 4 нафар дарвозабонни Евро-2024 га олиб боришни режалаштирганди. Аммо энди мутахассис фикрини ўзгартирди. Bild ўз саҳифаларида ёзганидек, Нагельсманн "Штутгарт"да ажойиб мавсум ўтказган бўлса-да, Александр Нюбелни қайдномадан чиқариб ташлашга қарор қилди.

Шундай қилиб, Германия терма жамоасининг якуний рўйхатида учта дарвозабон жой олади: Мануэль Нойер, Марк-Андре тер Штеген ва Оливер Бауманн.

Германия терма жамоаси 14 июнь, жума куни ўз уйидаги Европа чемпионатидаги илк ўйинини ўтказади. Юлиан Нагельсманн шогирдларининг рақиби Шотландия терма жамоаси бўлади.