"Лестер" ўзининг расмий сайтида ҳужумчи Жейми Варди билан шартномани узайтирганини маълум қилди.
37 ёшли футболчи билан тузилган янги шартнома 2024/25 йилги мавсум охиригача амал қилади.
“Мен ҳар доим ёш шунчаки рақам эканлигини айтганман. Ўзимни яхши ҳис қиляпман, шунинг учун оёқларим “Ўйин тугади” дегунча ўйнашда давом этаман. Бир кун келиб келади, лекин ҳозир эмас. Биз Премьер-лигада яна бир мавсумни кутмоқдамиз ва нималарга қодир эканимизни кўрсатамиз", - дея Вардининг сўзларини келтиради клуб матбуот хизмати.
Ўтган мавсумда Варди "Лестер" сафида барча турнирлар доирасида 37 та ўйинда майдонга тушиб, 20 та гол урди ва 2 та голли узатмани амалга оширди. У 2012 йилдан буён "кўклар" сафида ўйнаб келмоқда.
