"Lester" o‘zining rasmiy saytida hujumchi Jeymi Vardi bilan shartnomani uzaytirganini ma’lum qildi.

37 yoshli futbolchi bilan tuzilgan yangi shartnoma 2024/25 yilgi mavsum oxirigacha amal qiladi.

“Men har doim yosh shunchaki raqam ekanligini aytganman. O‘zimni yaxshi his qilyapman, shuning uchun oyoqlarim “O‘yin tugadi” deguncha o‘ynashda davom etaman. Bir kun kelib keladi, lekin hozir emas. Biz Premyer-ligada yana bir mavsumni kutmoqdamiz va nimalarga qodir ekanimizni ko‘rsatamiz", - deya Vardining so‘zlarini keltiradi klub matbuot xizmati.

O‘tgan mavsumda Vardi "Lester" safida barcha turnirlar doirasida 37 ta o‘yinda maydonga tushib, 20 ta gol urdi va 2 ta golli uzatmani amalga oshirdi. U 2012 yildan buyon "ko‘klar" safida o‘ynab kelmoqda.