"Ньюкасл" ярим ҳимоячиси Бруно Гимараэс ёзда клубини ўзгартириши мумкин. Сўнгги пайтларда бразилиялик футболчини "Барселона" билан боғлашмоқда. Mundo Deportivo хабарига кўра, 26 ёшли ярим ҳимоячининг амалдаги шартномасида "Барселона"га тегишли алоҳида банд бор. Яъни Гимараэснинг Каталония клубига ўтиш бошқа клубларга қараганда осонроқ бўлади.
Эслатиб ўтамиз, Transfermarkt портали мутахассислари Бруно Гимараэсни 85 миллион еврога баҳоламоқда. 2023/2024 йилги мавсумда бразилиялик футболчи 50 та расмий ўйинда майдонга тушиб, 7 та гол урди ва шерикларига 10 та голли узатма берди.
