"Фенербахче" трансфер бозорида жамоанинг янги бош мураббийи Жозе Моуриньони қўллаб-қувватлашни режалаштирмоқда. Todofichajes порталининг хабар беришича, португалиялик мутахассис ёзги трансферлар учун 60 миллион евро олади. Моуриньо ўз таркибини кучайтирмоқчи, чунки жамоанинг мақсади Чемпионлар лигасига йўл олиш. "Канарейкалар" учун муаммони ҳал қилиш осон бўлмайди, чунки улар бир вақтнинг ўзида учта саралаш босқичидан ўтишлари керак.
Эслатиб ўтамиз, Жозе Моуриньо “Фенербахче”га тайинланишидан олдин деярли беш ой давомида ишсиз эди – январь ойида “Special One” натижалари қониқарсиз деб ҳисобланиб, “Рома”дан ҳайдалган эди.
