"Барселона" ва Испания терма жамоаси ярим ҳимоячиси Педри ЭЕропа чемпионати арафасида ўзининг ҳолати ҳақида гапирди.

21 ёшли футболчи шанба куни бўлиб ўтган "қизил фуриялар"нинг Шимолий Ирландия термасига қарши ўртоқлик учрашувида (5:1) дубль қайд этиб, асосий қаҳрамонлардан бирига айланди. 15 июнь куни испанлар Хорватия терма жамоаси билан Евро-2024 гуруҳ босқичи 1-тур учрашувини ўтказишади.

"Жароҳатим ортда қолди, буни бугунги голларим билан ҳам кўриш мумкин. Ҳозир ўзимни жисмонан ажойиб ҳис қиляпман. Европа чемпионатининг яқин орада бошланишидан жуда хурсандман", - дея Испания терма жамоаси учун фаолиятида илк бор гол урган Педрининг сўзларидан иқтибос келтиради Mundo Deportivo.