"Манчестер Юнайтед" ва Англия терма жамоаси футболчиси Люк Шоу майдонга қайтишга ҳозирлик кўрмоқда.
"Уч шерлар" бош мураббийи Гарет Саутгейт чап қанот ҳимоячисига ишонди ва февраль ойидан бери ўйин амалиёти йўқ бўлишига қарамай, уни Евро-2024 таркибига киритди. Саутгейт ўз қарорини тушунтирар экан, Шоу 20 июнь куни Данияга қарши гуруҳ босқичининг иккинчи тур ўйинига тайёр бўлиши кераклигини айтди. Бунгача - 16 июнь куни инглизлар Сербия билан учрашиши керак.
"Евродаги биринчи ўйинда ўйнашни истардим, буни яшира олмайман. Аммо мен таваккал қилишни хоҳламайман, чунки менда бундай имконият бўлмайди. Агар мен бирон бир муаммони ҳис қилсам, буни қабул қилишим ва кутишим керак.
Ҳозир мен учун энг муҳими, асосий эътиборни формага қайтиш ва Англиянинг турнирда ғалаба қозонишига ёрдам беришдир", - дея Шоу сўзларини келтиради The United Stand.
