"Болонья" ҳужумчиси Жошуа Зиркзее "Милан"га ўтишга яқинлашмоқда.
Нидерландияликни 40 миллион еврога сотиб олиш мумкин - бу унинг "Болонья" билан шартномасида кўрсатилган товон пули. Sky Sports хабарига кўра, "Милан" 23 ёшли футболчининг агенти билан музокараларда муваффақият қозонган ва бошқа даъвогарлар "Ювентус" ва "Арсенал"дан ўтиб кетган. Форвард вакили 15 миллион еврога яқин комиссия тўловларини сўраган, “россонерилар” эса бу суммани 10 миллионга туширишга умид қилмоқда.
Жошуа Зиркзее А Серияда 34 та ўйинда майдонга тушиб, 11 та гол ва 5 та голли узатмага муаллифлик қилган.
