Ҳужумчи Армандо Броя яқин келажакда ўз клубини ўзгартириши мумкин. Таниқли журналист Бен Жейкобснинг ижтимоий тармоқларда хабар беришича, “Эвертон” форвард учун “Челси” билан музокара олиб бормоқда. Мерсисайдликлар ҳар куни "аристократлар" билан алоқада бўлиб, 22 ёшли албанияликни трансфер қилиш имкониятларини муҳокама қилмоқда. Гап 30 миллион фунт (тахминан 35 миллион евро)лик шартнома ҳақида кетмоқда.

Броя 2023/2024 йилги мавсумнинг иккинчи қисмини ижара асосида "Фулхэм"да ўтказди. Лондонликлар учун саккизта ўйинда ҳужумчи гол ура олмади.

Эътибор беринг, Армандо Броя "Челси" академияси тарбияланувчиси ҳисобланади.