Яқинда фаолиятини якунлаган машҳур собиқ мураббий Клаудио Раньери футболдаги асосий афсуслари ҳақида гапирди.
Италиялик мураббийнинг энг муҳим ютуғи 2015/16 йилги мавсумда "Лестер" билан Премьер-лигада шов-шувли чемпионликни нишонлагани бўлди.
Бироқ, Раньерининг ўзи тан олганидек, у бу ғалабани ўзи учун муҳимроқ нарсага алмаштиради.
“Менинг энг катта пушаймоним? “Рома” билан ҳеч қачон скудетто ютмаганман. Ҳозир ростини айтсам:
“Лестер” билан чемпионликни “Рома” билан скудеттога алмаштирган бўлардим”, - дея 72 ёшли собиқ мураббийнинг сўзларидан иқтибос келтиради Football Italia.
