"Аталанта" клуби ва Италия терма жамоаси ҳужумчиси Жанлука Скамакка ўз ўйини ҳақидаги саволга жавоб берди. Италияликлар Босния ва Герцеговина терма жамоаси билан ўртоқлик учрашувида (1:0) битта гол билан чекланишди.
Скамакка ўйинда энг кўп дарвозага зарба берди (етти марта), лекин гол ура олмади, бир неча аниқ голли вазиятларни қўлдан бой берди.
"Ўзимни ишончли ҳис қилишим учун гол уришим шарт эмас. Терма жамоада ўйнаганимдан хурсандман. Бизда жуда ёш жамоа бор, биз ривожланишимиз керак, аммо бугун биз кўп ижобий нарсаларни кўришимиз мумкин эди.
Биз Италиямиз, Еврода биз энг яхши фазилатларимизни ва жамоавий руҳимизни кўрсатишимиз керак", - дейди 25 ёшли ҳужумчи.
