"Локомотив" ПФК 5 июнь куни россиялик мураббий Александр Крестинин билан келишувга эришганини маълум қилинганди.
2019 йил Қирғизистон терма жамоасини ўз тарихида биринчи бор Осиё Кубогига олиб чиққан ушбу мутахассис билан бугун шартнома имзоланди ҳамда Александр Сергеевич "Локомотив" бош мураббийи этиб тайинланди.
Бугун шунингдек, ёрдамчи мураббий Игорь Кудренко ва дарвозабонлар мураббийи Александр Перов билан ҳам шартнома имзоланиб, улар мураббийлар штабида Крестининга яқиндан ёрдам беришади.
"Александр Сергеевичга "темирйўлчилар" билан улкан зафарлар тилаб қоламиз" - дейилади "Локомотив" расмий баёнотида.
