«Штутгарт»нинг 23 ёшли ярим ҳимоячиси Ангело Штиллер «Барселона» футболчисига айланиши мумкин, деб хабар бермоқда Испаниянинг "Sport.es" интернет нашри.
Манбага кўра, «Барселона»нинг янги бош мураббийи Ханс-Дитер Флик майдон марказини кучайтириш учун футболчини трансфер қилишдан манфаатдор. Штиллер аллақачон «Бавария»да немис мутахассиси қўл остида ўйнаган ва у ерда Чемпионлар лигаси ва Германия кубогида дебют қилган.
Ангело Штиллер – «Бавария» тарбияланувчиси. Жорий мавсумда ярим ҳимоячи «Штутгарт» сафида барча мусобақаларда 36 та ўйин ўтказиб, битта гол ва 6 голли узатмага муаллифлик қилган. Футболчининг немис клуби билан шартномаси 2027 йилнинг июнь ойи охиригача амал қилади. "Transfermarkt" интернет порталига кўра футболчининг тахминий нархи 20 миллион еврони ташкил қилади.
