Европа чемпионати 14 июнь санасидан бошланади. Мусобақада терма жамоалар қанча миқдорда пул мукофотини қўлга киритиши мумкинлиги ҳақида маълумот берилди.

УЕФА Ижроия қўмитасининг тасдиқланган маълумотларига кўра, федерацияларни рағбатлантириш учун тўловлар миқдори 24 та жамоа учун 331 миллион еврони ташкил қилади.

Бу миқдор қуйидагича тақсимланади:

Ҳар бир жамоанинг иштироки учун бонус: 9,25 миллион евро;

Гуруҳ босқичидаги ғалаба учун — 1 миллион евро, дуранг учун — 500 минг;

1/8 финал — 16 та жамоанинг ҳар бири учун 1,5 миллион евро;

1/4 финал — 8 та жамоа учун 2,5 млн евро;

Ярим финал — 4 миллион: ушбу босқичга етиб келган ҳар бир иштирокчи учун бир миллиондан;

Евро — 2024 чемпиони учун 8 миллион евро, финалда ютқазган жамоа учун 5 миллион евро миқдорида мукофот пулларини қўлга киритади.

Шундай қилиб, Евро—2024 мусобақасининг энг яхши жамоаси 23 миллион евро даромад олиши мумкин. Албатта, бунинг учун жамоа гуруҳ босқичидаги барча учрашувда ғалаба қозониши талаб этилади. Гуруҳ босқичида бирорта ғалабага эришмаган жамоа уйига сал кам 10 миллион евро билан қайтади.

Маълумот учун Евро—2024 турнири 14 июндан 14 июлга қадар давом этади.