Халқаро инвесторлар консорциуми "Эвертон" учун 400 миллион фунт таклиф қилди.
Консорциум таркибига Саудия Арабистони қироллик оиласи аъзоларидан бири киради, деб хабар бермоқда BBC.
Ўтган йилнинг сентябрь ойида Премьер-лига клуби хўжайини Фарҳод Мошири "Эвертон"нинг 94% улушини Американинг 777 Partners сармоя компаниясига сотишга рози бўлганди, бироқ у охир-оқибат шартномани бажара олмади.
Аввалроқ мерсисайдликлар клубига асли арман бўлган лондонлик тадбиркор Ваче Манукян ва "Рома" хўжайини Дэн Фридкин ҳам даъвогар экани маълум бўлганди.
Ўтган мавсумда "Эвертон" Премьер-лигани 15-ўринда якунлади.
