"Интер Майами" ҳужумчиси Лионель Месси МЛС формаларини сотилиши бўйича етакчи ҳисобланади. Бу ҳақда лига матбуот хизмати хабар берди.
36 ёшли аргентиналик футболчининг жамоадоши, уругвайлик ҳужумчи Луис Суарес рейтингда иккинчи ўринни эгаллаб турибди. Кучли учликни "Цинциннати" вакили Лусиано Акоста якунлади.
Кучо Эрнандес ("Коламбус"), Рики Пуч ("Лос-Анжелес Гэлакси"), Педро де ла Вега ("Сиэтл"), Жордан Моррис ("Сиэтл"), Хани Мухтар ("Нэшвилл"), Георгиос Якумакис ("Атланта") ва Эмиль Форсберг ("Нью-Йорк Ред Буллз") кучли ўнталикка кирди.
МЛСнинг жорий мавсумида Месси 12 та ўйин ўтказиб, 12 та гол ва 9 та голли узатмани амалга оширди.
