"Манчестер Юнайтед" Англия терма жамоаси бош мураббийи Гарет Саутгейт борасида бир қарорга келди.
Жон Кросс берган маълумотларга кўра, "манкунианликлар" мутахассисни янги мураббий лавозимига устувор номзодлардан бири сифатида кўришган. Энди манбанинг хабар беришича, "Манчестер Юнайтед" Саутгейтни таклиф қилмасликка қарор қилган.
Раҳбариятнинг фикрича, Гаретнинг тайинланиши мумкин бўлган вақт жамоага зарар етказиши мумкин. Мутахассис Англия терма жамоасини фақат июль ойида якунланадиган Европа чемпионатида бошқаради. "Манчестер Юнайтед"нинг амалдаги бош мураббийи Эрик тен Хаг кейинги мавсумда ҳам ўз лавозимида қолиши мумкин.
