"Ливерпуль" вингери Луис Диас "Барселона" томонидан бўлаётган қизиқишлар ҳақида фикр билдирди.
Олдинроқ бир қатор испан манбалари колумбиялик футболчига "кўк-анорранглилар" спорт директори Декунинг шахсан ўзи қизиқаётгани ҳақида хабар берганди.
"Мен "Ливерпул"да жуда бахтлиман. Бу ажойиб жамоа. Мен ҳар доим у ерда ўйнашни хоҳлаганман, шунинг учун мен жуда хурсандман ва хотиржамман. Ҳозир мен бошқа ҳеч нарса ҳақида ўйламайман", - деди Диас.
Эслатиб ўтамиз, Диас Англия Премьер-лигасининг сўнгги мавсумида 8 та гол урди ва 5 та голли узатмани амалга оширди. 27 ёшли колумбиялик футболчи 2022 йилнинг январидан буён "Ливерпул"да ўйнаб келмоқда.
