Италия терма жамоасида координатор лавозимини эгаллаб турган Жанлуиджи Буффон Евро-2024 бошланиши олдидан жамоанинг кайфияти ҳақида гапирди.

Италияликлар яқинда Дортмундга учиб кетишди ва 15 июнь куни Албанияга қарши ўтказиладиган очилиш ўйинига тайёргарлик кўриш мақсадида илк машғулотларини ўтказишди.

"Бу ердаги италияликларнинг қўллаб-қувватлаши бизни бу ерда ўзимизни уйдагидек ҳис қилишга имкон беради. 2006 йилда ҳам худди шундай бўлганди: Германияда ўйнаб, ўз майдонимизда ўйнаётгандек ҳис қилдик", - дея Буффоннинг сўзларини келтиради Football Italia.