"Эспаньол"дан ижарага олинган "Реал" ҳужумчиси Хоселу келажаги ҳақида гапирди. Испаниялик футболчи кампанияни муваффақиятли ўтказди ва клуб учун муҳим ротация ўйинчисига айланди.
Ижара шартномасида сотиб олиш банди бор, аммо “Реал Мадрид” бу вариантни фаоллаштирадими, ҳозирча номаълумлигича қолмоқда.
"Менинг келишувим 30 июнга қадар амал қилади ва ҳозир мен барча масалаларни агентимга топширдим. Эътиборимни Испания терма жамоаси ва Европа чемпионатига қаратмоқчиман. Келинг, кейинги 19 кун ичида нима бўлишини кўрамиз. Ҳозирда менда ҳеч қандай янгилик йўқ", - дейди ўтган мавсумда "Реал" сафида 49 та ўйинда 17 та гол урган Хоселу.
