Мадриднинг “Реал” клуби марказий ҳимоячиси Антонио Рюдигер келажаги борасида бир қарорга келди. Охирги хабарларга кўра, германиялик футболчи Саудия Арабистонининг "Ан-Наср" клубидан саховатли таклиф олган.
Инсайдер Фабрицио Романонинг сўзларига кўра, марказий ҳимоячи қолишни истамоқда. У бутун эътиборини “Реал”га қаратган ва клубда жуда бахтли.
"Лос-Бланкос" бош мураббийи Карло Анчелотти Рюдигерни жамоанинг асосий фигураси деб ҳисоблайди, Мадрид гранди президенти Флорентино Перес ҳам худди шундай фикрда.
Антонио Рюдигер ўтган мавсумда "Реал" сафида 48 та ўйинда майдонга тушиб, 2 та гол ва 3 та голга ассистентлик қилган.
