“Астон Вилла” ҳужумчиси Жон Дюран “Челси”нинг асосий трансфер мақсадларидан бирига айланди. Лондон клуби колумбиялик футболчига январ ойида қизиқиш билдирган, бироқ улар 20 ёшли футболчини қўлга кирита олмаганди.
Инсайдер Фабрицио Романонинг сўзларига кўра, "кўклар" яна Дюранга кўз тикишган. “Астон Вилла” билан музокаралар аллақачон бўлиб ўтган. Бирмингемликлар ўз навбатида ярим ҳимоячи Конор Галлахер ҳақида маълумот сўрашган.
Клуб раҳбарияти Жон Дюраннинг нархини 35-40 миллион фунт стерлингга (41-47 миллион евро) баҳоламоқда.
