Португалия терма жамоаси марказий ҳужумчиси Криштиану Роналду Ирландия терма жамоаси билан ўртоқлик учрашувида (3:0) қайд этган ўз дубли ҳақида гапирди.
"Гол уриш ҳар доим ёқимли, мен буни катта завқ билан қиламан. Футболда кўп вақтим қолмаганини биламан. 35 йилдан кейин ҳар мавсумни завқ билан ўтказаман. Мен ҳар мавсумдан завқланаман. Гол уриш менинг ДНКимнинг бир қисмидир. Ҳозир мен нимани орзу қиляпман? Терма жамоа билан кубок ҳақида", - деди Роналду SporTV билан суҳбатда.
Эслатиб ўтамиз, Германияда 14 июнь куни Европа чемпионати бошланади. Нуфузли турнир 14 июлга қадар давом этади. Португалия Евро-2024 фаворитларидан бири саналади.
