"Атлетик" Бильбао ҳужумчиси Нико Уильямс фаолиятини давом эттириш учун фақат битта вариантни ўйлайди. Sport нашри хабарига кўра, ёш футболчи фақат "Барселона"га ўтиш ниятида.
Қайд этилишича, агар “кўк-анорранглилар” ушбу трансфер ойнасида келишувни якунлай олмаса, Уильямс яна бир йил “Атлетик Бильбао”да қолади ва “Барселона”дан таклиф кутади.
Уильямсга Англия Премьер-лигаси клублари ҳам қизиқиш билдираётгани аввалроқ хабар қилинганди. 21 ёшли вингер Испания чемпионатининг сўнгги мавсумида 5 та гол урди ва 11 та голли узатмани амалга оширди. Никонинг шартномасида товон пули тахминан 60 миллион еврони ташкил қилади.
