Брайан Приске "Фейеноорд" бош мураббийи этиб тайинланди.
47 ёшли мутахассис Нидерландия клуби билан 2027 йилнинг ўрталарига қадар шартнома имзолади.
Даниялик ўз вазифасини 1 июлдан бошлайди. У Юрген Клопп кетганидан кейин "Ливерпул"га кўчиб ўтган Арне Слотнинг ўрнига бош мураббий бўлади.
Сўнгги икки мавсумда Приске Праганинг "Спарта" клубини бошқарган. Бош мураббий сифатидаги биринчи йилида у клубнинг тўққиз йил ичида биринчи марта Чехия лигаси чемпионлигини қўлга киритишига ёрдам берди.
Ўтган мавсумда "Спарта" яна чемпион бўлди ва Чехия кубогини ҳам қўлга киритди.
