Россиянинг ЦСКА футбол клуби ва Ўзбекистон терма жамоаси яримҳимоячиси Аббосбек Файзуллаев Испаниянинг "Вильярреал" клубида фаолиятини давом эттириши мумкин. "Сариқ сувости кемаси" вакиллари айни вақтда Аббосни сотиб олиш бўйича музокараларни бошлашган.
Аввалига Файзуллаевга кучли бешлик жамоаларидан (жумладан "Парма") қизиқиш бўлишига қарамасдан, унинг ЦСКАда яна бир мавсум қолиши ҳақида гап-сўзлар тарқалганди. Аммо "ҳарбийлар" бош мураббий Валадимир Федотовни ишдан бўшатгач, Файзуллаевнинг ҳам жамоадан кетиши масаласи кун тартибига қайтган.
GoSport манбалари хабарига кўра, Аббосбекнинг "Вильярреал"га ўтиши масаласи шу ой якунига қадар ҳал бўлиши керак. Transfermarkt Файзуллаевнинг нархини 6 млн еврога баҳолаган.
Эслатиб ўтамиз, "Вильярреал" ўтган мавсумда Ла Лигада 8-ўринни эгаллаб, еврокубоклардан қуруқ қолганди.
