Франция терма жамоаси ҳимоячиси Тео Эрнандес жароҳати сабаб жамоасининг сўнгги машғулотларини давом эттира олмади. Бу ҳақда Sportmediaset нашри хабар бермоқда. "Милан" ҳимоячисининг жароҳати ҳақида бошқа тафсилотлар маълум қилинмаган.
Эслатиб ўтамиз, Теонинг акаси Лука хоч боғламидан олган оғир жароҳати туфайли Еврони ўтказиб юборади.
Орадан бир неча кун ўтиб, 17 июнь, душанба куни Франция терма жамоаси Европа чемпионатининг “Д” гуруҳидаги илк ўйинини ўтказади. Австрия терма жамоаси уларга рақиб бўлади. Навбатда “уч ранглилар” турнирда Нидерландия (21 июнь) ва Польша (25 июнь) терма жамоалари билан тўқнаш келишади.
