ФИФА клублар ўртасидаги жаҳон чемпионатини кенгайтириш бўйича судга тортилди.
Халқаро футбол федерацияси (FIFPro) ва унинг аъзолари Халқаро футбол федерацияси устидан судга даъво аризаси билан мурожаат қилди. Даъвогарлар ФИФАнинг халқаро ўйинлар тақвимини бир томонлама белгилаш, хусусан, 2025 йилги клублар ўртасидаги жаҳон чемпионатини яратиш тўғрисидаги қарорининг қонунийлигига эътироз билдиришмоқда.
FIFPro Англия профессионал футболчилар ассоциацияси ва Франция профессионал футболчилар миллий иттифоқи билан биргаликда Брюссел тижорат судига мурожаат қилиб, ишни Европа судига юборишни сўради.
"Футболчилар ва уларнинг касаба уюшмалари жорий футбол тақвими гавжум эканлигини доимий равишда таъкидлаб келади. Бироқ ФИФА конструктив музокаралар олиб бора олмади ва футболчилар касаба уюшмаларининг қаршилигига қарамай, бир томонлама равишда мусобақани кенгайтириш дастурини давом эттирди”, — дейилади FIFPro баёнотида.
Клублар ўртасидаги жаҳон чемпионати 32 та жамоага кенгайтирилди ва 29 кун давом этади. Янгиланган турнирда Европанинг 12 жамоаси, КОНМЕБОЛнинг олтита клуби ва КОНКАКАФнинг тўртта жамоаси иштирок этади. 2025 йилда у АҚШда 15 июндан 13 июлгача бўлиб ўтади.
