Германиянинг «Боруссия» клуби ҳимоячиси Матс Хуммельс, аввал хабар қилинганидек, Дортмунд клубини тарк этади.
Журналист ва инсайдер Фабрицио Романонинг ижтимоий тармоқларида хабар беришича, футболчи яқин орада янги клуби ҳақида қарор қабул қилмоқчи. Қайд этилишича, Хуммельс Европа жамоаларига ўтишга устунлик беради. Романонинг ёзишича, футболчига Саудия Арабистонидан таклифлар бўлган, аммо Хуммельс бу вариантини кўриб чиқмаган.
Аввалроқ, 35 ёшли футболчининг хизматларига «Рома» қизиқиш билдираётгани ҳақида хабарлар тарқалган эди.
