"Ювентус" ва Италия терма жамоаси вингери Федерико Кьеза ўзининг асосий мақсадлари ҳақида гапирди.
Сўнгги икки мавсум 26 ёшли футболчи учун жароҳатлар туфайли яхши тарзда ўтмади. Қийинчиликларга қарамай, футболчи Италия терма жамоасининг Евро-2024 учун якуний таркибига киритилди.
“Евро-2020дан кейин мени дунёнинг энг яхши футболчиларидан бири деб билишар эди, аммо, афсуски, ўшанда хоч боғламимдан жароҳат олдим ва узоқ вақт реабилитация курсини ўтказдим. Менинг мақсадим - энг юқори даражага қайтиш. Мен 26 ёшдаман ва ҳали ўзимни кўрсатиш учун вақтим бор”, - деди Кьеза Европа чемпионати бошланиши арафасида.
