Германиялик мутахассис Томас Тухель "Манчестер Юнайтед" билан ўзининг жамоага бош мураббий этиб тайинланиши борасидаги музокаралар чоғида "қизил иблислар" раҳбариятидан "Реал"нинг марказий ҳимоячиси Антонио Рюдигерни сотиб олишни сўраган. Бу ҳақда The Times нашри хабар бермоқда.
Манбага кўра, Тухелнинг таклифи тезда рад этилган, чунки 31 ёшли футболчи учун жуда кўп пул сарфлаш керак эди. Қолаверса, "Манчестер Юнайтед" ёши каттароқ футболчиларни сотиб олмоқчи эмас. Рюдигернинг ўзи ҳам Мадрид клубидан "қизил иблислар"га ўтишни афзал кўриши даргумон.
Эслатиб ўтамиз, аввалроқ ОАВДА “Манчестер Юнайтед” Эрик тен Хагни бош мураббий сифатида сақлаб қолиш ва шартномасини узайтиришга қарор қилгани ҳақида маълумотлар пайдо бўлган эди.
