"Манчестер Юнайтед" ҳали ҳам ўзининг ҳимоячиси Аарон Уан-Биссакани сотиши мумкин. Журналист Фабрицио Романонинг хабарига кўра, агар манкунианликларга фойдали таклиф тушса, раҳбарият англияликни сотиб юборади.
Аароннинг "Манчестер Юнайтед" билан шартномаси тугашига атиги бир йил қолди, шунинг учун клуб футболчини сотишга тайёр, чунки бир йилдан сўнг ҳимоячи эркин агент сифатида кетиши мумкин.
Англия чемпионатининг сўнгги мавсумида 26 ёшли ҳимоячи иккита голли узатмани амалга оширди. Аарон 2019 йилдан буён "Манчестер Юнайтед"да ўйнаб келмоқда.
