Альфонсо Дэвиснинг келажаги ноаниқлигича қолмоқда. Канадалик ҳимоячига анчадан бери "Реал" қизиқиш билдираётган эди, аммо у "Бавария"да қолиши мумкин.
Хабарга кўра, Дэвиснинг вакили яқинда Мюнхенга ташриф буюрган, бироқ янги шартнома бўйича музокаралар муваффақиятли бўлмаган.
Дэвис умумий қиймати 100 миллион евро бўлган 4 йиллик шартнома талаб қилди. Бунга футболчининг агенти учун 15 миллион евро миқдоридаги шартнома бонуси киради.
"Бавария" 23 ёшли Дэвиснинг молиявий талабларини қониқтирмаяпти. Канадалик футболчининг амалдаги шартномаси 2025 йилнинг ўрталарига қадар тузилган.
