37 ёшли франциялик ҳужумчи Оливье Жиру кечаги Франция очиқ машғулотида терма жамоа сардори Килиан Мбаппенинг йўқлиги ҳақида фикр билдирди.
"Мен хавотир олмаяпман, у кеча дам олди. Мен тиббиёт ходимларининг бир қисми эмасман. Бир ёки иккита машғулотни ўтказиб юборса, формасини йўқотмайди. Хавотир олманг, у биринчи ўйинга тайёр бўлади! У ҳеч қачон таслим бўлмади. У ўз тажрибасини имкон қадар тез-тез баҳам кўришга ҳаракат қилади", - дея Жиру сўзларини келтиради AS.
2024 йилги Европа чемпионати 14 июндан 14 июлга қадар Германияда бўлиб ўтади. Франция терма жамоаси Полша, Нидерландия ва Австрия билан бир гуруҳдан жой олади. Биринчи ўйин 17 июнь куни бўлиб ўтади ва Франция терма жамоаси Австрия билан тўқнаш келади. 21 июн куни Нидерландияга, 25 июн куни эса Польшага қарши баҳс олиб боради.
