Эрик тен Хаг Антонининг жорий мавсумдаги ўйинини қаттиқ танқид қилди.

Бразилиялик ўйин давомида икки марта Тен Хагнинг талабига бўйсунмаган. Унга мураббий Англия кубоги чорак финалида "Ливерпуль" устидан 4:3 ҳисобида ғалаба қозонилган баҳсда чап қанотда ўйнашни айтди, бироқ футболчи ҳайрон бўлганини билдирди. Бу ҳолат АПЛ доирасидаги "Арсенал"га қарши ўйинда (0:1) ҳам такрорланди.

The Athletic хабарига кўра, "Арсенал" билан ўйиндан сўнг кийиниш хонасида Тен Хаг бразилияликка кескин танбеҳ бериб, унга айтилган жойда ўйнаши кераклигини очиқ айтди, чунки "Юнайтед" иккала ҳолатда ҳам вазиятни ўзгартириш учун радикал чоралар кўришга ҳаракат қилди.

Шундан кейин Антони тушкунликка тушиб қолган.