Стив Кларк Шотландиянинг Германиядан 1:5 ҳисобидаги мағлубиятига муносабат билдирди.
Жамоалар Мюнхенда Еро-2024 очилиш ўйинида майдонга тушишди.
“Бу қийин кеча эди. Биз ўз даражамизда ўйнамадик. Мен ўзимизни тушкунликка тушгандек ҳис қиляпман.
Биз бугун кўрсатган ўйинимиздан яхшироқмиз ва умид қиламанки, кейинги икки ўйинда буни кўрсата оламиз.
Ҳаммаси реакцияга боғлиқ, шунинг учун биз ўйинчиларнинг қандай муносабатда бўлишини кўрамиз. Мақсад – кейинги икки ўйинда тўрт очко.
Германия ажойиб эди ва афсуски, биз уларга тенглаша олмадик. Биринчи бўлим жуда тез ўтди ва биз ўйинни ушлаб қола олмадик”, деди Шотландия бош мураббийи.
