Франция терма жамоаси ярим ҳимоячиси Антуан Гризманн 2024 йилги Европа чемпионати бошланишидан олдин терма жамоа футболчиларининг кайфияти ва ҳолати ҳақида гапирди.

"Ўзимизни яхши ҳис қиляпмиз ва ўзимизга жуда ишонамиз. Менимча, жисмонан улар ҳам тайёр. Яхши бошланиш учун биринчи ўйин жуда муҳим бўлишини биламиз, шунинг учун пухта тайёргарлик кўряпмиз.

Биз бошидан охиригача бир бирлик, бир йўналишда кетаётган жамоа бўлишни истаймиз ва бу бизнинг муваффақиятимиз калитимиз бўлади. Нима қилишим кераклигини ва жамоага ғалаба қозониш учун нима кераклигини биламан. Бу тушунча кўплаб ўйинлар ва турнирлардан сўнг пайдо бўлди", - дейди Гризманн.

Франция терма жамоаси "D" гуруҳида Польша, Нидерландия ва Австрия билан ўйнайди.