Италия терма жамоаси дарвозабони Жанлуиджи Доннарумма Буффоннинг жамоада борлиги унга қандай таъсир қилиши ҳақида гапирди.

"Миллий терма жамоа тарихига узоқ вақтдан бери кириб қолган Буффоннинг борлиги бизга катта ёрдам беради. Унинг мавжудлиги жуда муҳим, у ўзининг тарихга кирган 2006 йил ёзи ҳақида гапириб, менга тўғри кўрсатма бера олади", - деди Доннарумма матбуот анжуманида.

Амалдаги Европа чемпиони Италия терма жамоаси Евро-2024 да Хорватия, Испания ва Албания терма жамоалари билан бирга "B" гуруҳида иштирок этади. Италияликлар мусобақанинг очилиш ўйинини бугун, 15 июн куни Албания терма жамоасига қарши ўтказади.